ابو ذيات على المنتخب العراقي

هلو شباب اليوم جبتلكم ابوذيات من نوع خاص على لاعبي منتخبنا الوطنيي من الحارس نور صبري الى الهداف يونس محمود...اتمنه تعجبكم...

يظل شمع المنتخب يضوي وبيه نور

يزهي الملعب بنوره وبيه نور

چذب يخسر منتخبنا وبيه نور

بتك ايده يصد لو هجموا عليه ميه

تشوفه من يفوز يضحك وباسم

وعگرب من يضوج يصير بيه سم

كارلوس العراق لقبوه باسم

وسكت كارلوس بضرباته القوية

گلي يا منتخب فازو علينه

واحنه عالفرق كلهه علينه

شوف شسوه بالخصم علينه

شعلل نارنه وخلاهه سريه

تستحق على لعبك وسام

لواعيب هوايه ماگدرتلك وأرقام

عملاق انته متخوفك الأقزام

وياهو يخاشنه خلصانه قضيته

نشأت لو لعب بالساحة يعزف

يفيك عالفريق ومغمض يكف

طول وحسن وباللعب يعرف

ولو بيدي انطيه كرسي الرئاسة

صالح لو نزل منه الملعب يخاف

لاعب مهاري وكامل الأوصاف

تشوفه يدافع وتشوفه هداف

وإذا تخسره تصير اكبر انتكاسه

مهدي لو طب عالمدافع

يدوخ الخصم ويصير شارع

منو يلحگه لو ذبه رابع

وابد ماكو مثل لعبه وحماسه

قصص عن لعبنه للعالم قصينه

وقصاص عل اللعب ألنه قصينه

غزال لو ركض بالساحه قصينه

وصاروخ ضربته كلش قويه

حلو يراوغ كرار وحلو لعبه

دوخ خصمه بفيكاته ولعبه

ويه الريال لو تصير لعبه

حتى اسبانيا أدوخ بهالبليه

انشگ الگول من ضرباتك وهور

موحد بفوزه كردستان واهوار

طوبه ومن تصير برجل هوار

يحطهه بلشبچ ميه بالميه

يخبل لعبه من يلعب ويونس أبو ذنون منو مثلك يسفاح

السفاح من يلحگ بيه يونس لقبوك الماكنه ولقبوك ذباح

بهجمه لو هجم علگول يونس تخاف الحراس منك چنك شايل سلاح

يخلي الگولچي يتمنه المنيه ومنو مثلك جاب الكاس راسه

أبو الغيره منتخبنه وعالي راسه

فاز على الفرق كلها وجاب كاسه

سوه الماسوته رجال السياسه

وحد بين الشيعه والسنه

وخله بعز السما يرفرف علمنه

صفه گلوبه وفرح شعبنه

وبفوزه سنين ظلت فرحانه ناسه...

مع تحياتي

كلمات ساحرة ومعزوفة رائعة

انصت لها الاذان وغنت لها الوجدان

شعور جميل جدا وكتابة رائعة

تحمل في طياتها كل المشاعر والرقة والاخلاص

» هموم العراقي
» حصريا ابو ذيات
» ابو ذيات جديد جداااااااااااااااااااااااااااااااااااااااااااااااااااااااااااااااااااااا
» ابو ذيات جديد ورائعة جدا